Máis de 122 propostas chegadas de todo o mundo, cunha participación case paritaria entre obras españolas e internacionais, concorren ao concurso de webseries da terceira edición do Festival de Contidos Dixitais Carballo Interplay, que -como sabedes- celebraremos os días 5, 6 e 7 de maio.
Ademais de 9 webseries en versión orixinal en galego e 58 do resto do Estado, participan na competición 55 webseries de produción internacional, con propostas de Arxentina, Nova Zelanda, Inglaterra, EEUU, Colombia, Irlanda, Italia, Austria, Canadá, Brasil, Francia, México, Alemaña, Uruguay, Suíza. Ao longo das próximas semanas, desvelaremos os nomes das webseries finalistas. Estade atentos/as!
E recordade que, ademais do xa tradicional concurso de webseries, o CIP incorpora este ano un novo premio, de 1.500 euros, para o mellor proxecto de webserie en galego. Queredes conseguir esta golosa axuda para producir os primeiros capítulos da vosa webserie? Aínda podedes participar! O prazo remata o 11 de abril e tedes toda a información que precisades aquí.
Comentarios recentes