CAMPAMENTO KAMIKAZE 2020-03-11T14:58:25+00:00

Non é un taller…
Non é un curso…
É unha experiencia kamikaze.

Tres días de convivencia e creatividade na contorna incomparable da praia de Razo traballando en equipo con profesionais do mundo das series dixitais e do audiovisual. Os/as participantes enfrontaranse ao reto de idear, gravar e postproducir capítulos da serie Dinosaurio. Os capítulos resultantes estrenaranse na apertura da VII edición do festival. Ven facer un Dinosaurio!

Info

  • 30-31 de marzo e 1 de abril
  • Recepción + check in as 9:30
  • Na cafetería do Raz Surf Camp (Praia de Razo, Carballo)
  • Check out 1 de Abril ás 12:00. A actividade continuará non Pazo de Cultura de Carballo ate as 17:00 horas.
  • 24 prazas
  • Dirixido a estudantes, profesionais do audiovisual e creadores/as de contidos dixitais para internet.
  • PREZO: 150 € (inclúe aloxamento en habitacións compartidas e pensión completa)
  • Non se proverá de material técnico.
  • Preinscripción ate o 17 de marzo.
  • As prazas asignaranse logo dun proceso de selección. Non fai falla ser profesional para participar, só ter ganas de aventura audiovisual!

Est@s son @s monitor@s do campamento

ALFONSO ZARAUZA

Director de cinema nado en Santiago de Compostela en 1973, inicia a súa carreira cinematográfica en 1994 rodando varias curtametraxes e coordinando obradoiros profesionais por toda Europa para a Media Business School. En Madrid fundou, xunto ao productor cubano Harold Sánchez, a productora Iroko Films, ocupando ata 2008 o cargo de director de desenvolvemento de proxectos. En 2004 escribe a súa primeira película  “A ilha da morte”, premio ao mellor guión de longametraxe no festival de Trieste. En 2012 dirixe dous filmes: Encallados e Os Fenómenos e na actualidade traballa no proceso de posproducción de “Ons”, a súa quinta longametraxe.

MARTA PIÑEIRO

Directora e realizadora audiovisual con 12 anos de traxectoria en series de ficción para a Televisión de Galicia como “Matalobos”, “Padre Casares”, “Libro de familia” ou “Rías Baixas”. Premio Mestre Mateo da Academia Galega do Audiovisual á Mellor Realización por “O Nordés” (2009) e “Matalobos” (2011), galardoada ese mesmo ano co Prix Circom europeo. Titulada en Realización e posprodución audiovisual, exerceu como docente na Escola de ficción de Voz Audiovisual e en CTV producións audiovisuais. Gradúase en Comunicación pola Universitat Oberta de Catalunya (UOC) cunha distinción polo seu TFG: “Transmedia e renovación de audiencias en televisións públicas”. Dirixíu os documentais “Aprendendo a cambiar o conto” (2014) e “Deuteronomio 7:20” (Chanfaina Lab 2017), seleccionados, respectivamente, no Festival Internacional de Cine Mujeres en Foco (Arxentina) e no Zinebi, entre outros.

MARCOS NINE

Marcos Nine (Illa de Arousa, 1977) é cineasta e guionista galego que traballa nos campos da non-ficción e a experimentación. Traballou como guionista de series como “Mareas Vivas”, “Terra de Miranda”, “As leis de Celavella”, “Pazo de familia” e “Serramoura”. En 2003 dirixe o seu primeiro traballo “Carcamáns”, un documental sobre o impacto da catástrofe do Prestige na Ría de Arousa, ó que seguirán máis dunha ducia de títulos como “Pensando en Soledad” (2006), “Manuscritos Pompeianos” (2010) ou “Radiografía dun autor de tebeos” (2010) cos que participa en máis dun cento de festivais de todo o mundo ecomo o SIFF de Seatle, Silver Docs, Seminci ou o Festival de Málaga, recibindo máis dunha vintena de premios, entre eles 6 premios Mestre Mateo. A súa primeira longametraxe, “La Brecha” foi estreada internacionalmente no prestixioso Festival de Cinema Independente de Bos Aires, BAFICI.  Tras ela dirixiu “A viaxe de Leslie” (2014). Actualmente prepara a súa terceira longa “A virxe roxa”.

ISAURA DOCAMPO

Isaura Docampo é realizadora, operadora de cámara e fotógrafa. Dende hai catorce anos traballa como freelance en diferentes ramas: cine, documental, música, moda, magazines, festivais. No seu traballo máis persoal, interésanlle a beleza de todo o que a rodea, as súas emocións, o retrato e o autorretrato como formas de expresión, utilizando moi a menudo o formato analóxico. Actualmente é responsable do making of do Festival de Cans e traballa de forma eventual coa productora Miramemira. Tamén está arrancando un proxecto de residencia artística como directora para outros artistas.

JAVI CAMINO

Director de webseries (“El viudo quiere mimos”), series de televisión (“Casa Manola”), documentais, programas de cociña (“O sal da terra”), videoclips, curtametraxes e unha longametraxe de serie Z (“¡Maldito Bastardo!”). Tamén traballou como editor en diversos proxectos televisivos (“Escapárate”, “Imos de feira”). Cinéfago compulsivo e xornalista cultural nos intres libres. Colaborou escribindo en medios como Vice, Tentaciones (El País), Elemmental, Notodo… Actualmente escribe e dirixe unha longametraxe de ficción que se rodará en maio.

LUCÍA R. REGUEIRO

Graduada en Comunicación Audiovisual pola Universidade da Coruña e Técnico Superior en Iluminación, Captación e Tratamento da Imaxe pola Escola de Imaxe e Son da Coruña, comeza a súa andaina no eido audiovisual no 2015. Ao longo dos últimos anos forma parte do equipo de cámara en producións como Serramoura, Urxencia Cero, Viradeira ou A Estiba entre outras, e participa como auxiliar de montaxe no programa Latexos da cidadeÁ par disto traballa como fotógrafa e videógrafa freelance, tanto para particulares como para empresas, emprendendo tamén proxectos propios como a dirección do videoclip “No te pires nena” da banda Superser. Recentemente participou na rodaxe da webserie Xan (Premio a Proxecto Carballo Interplay 2019) como auxiliar de cámara e realizadora do making of.

ANTÓN VARELA

Antón Varela (A Coruña, 1992) é graduado en Comunicación Audiovisual pola UDC e cursou un Máster en Estudos de Cinema e Audiovisual Contemporáneo na Universidade Pompeu Fabra. O seu ámbito de traballo é a animación, a súa linguaxe a apropiación e o collage, e a súa materia prima recortes de imaxes que atopa por aí. O resultado é “Orfanato Atroz”, que levou o premio á mellor webserie no Carballo Interplay 2016. Recentemente, realizou para Vinte a serie de cinco capítulos “Os 20 do XX”, un percorrido pola historia de Galicia sen abandonar o seu estilo persoal.

CRIS IGLESIAS

Cris Iglesias é unha actriz nada na Coruña no 1993. Iníciase dende moi pequena na carreira artística estudando no Conservatorio Profesional de Música d´A Coruña a especialidade de percusión e formándose en diferentes estilos da danza. Anos despois é titulada en interpretación textual pola Escola Superior de Arte Dramática de Galicia. Forma parte da compañía de teatro Chévere (Premio Nacional de Teatro 2014) durante catro anos xirando por toda España e Europa co espectáculo Eroski Paraís. Dende o ano 2014, traballa en distintas series da Televisión de Galicia e formou parte do elenco da prestixiosa serie Fariña, producida pola productora Bambú e distribuída por Netflix. No 2019 estrea o espectáculo Liberto coa compañía Marelas. Nese mesmo ano gaña o premio a mello actriz no Festival Español Alcine de Alcalá de Henares. Neste 2020 estrea a serie de Auga Seca da productora Portocabo mentres xira por toda Galicia coa versión teatral de Fariña. Na primavera deste 2020 poderemos vela na serie Valeria, próximamente en Netflix.