As webseries que desexen participar poderán inscribirse ata o 27 de Marzo de 2016.
Poderán presentarse a concurso aquelas webseries producidas entre os anos 2014-2016 que teñan un mínimo de 3 capítulos emitidos no momento de inscrición. Os episodios inscritos poden ser de calquera duración, temática, xénero, de imaxe real ou animación, nacionais ou internacionais.
XURADO
O xurado estará composto por diferentes profesionais do mundo das webseries, audiovisual e cultural así como de representantes de asociacións profesionais relacionadas co sector. O xurado darase a coñecer a través desta páxina web.
O público asistente ás proxeccións elixirá o premio do público mediante un sistema de votación por papeletas.
PREMIOS
Os premios outorgados serán os seguintes:
MELLOR WEBSERIE IMAXE REAL // 800 euros e trofeo
MELLOR WEBSERIE ANIMACIÓN // 800 euros e trofeo
MELLOR WEBSERIE INTERNACIONAL // 800 euros e trofeo
MELLOR WEBSERIE VO GALEGO // 800 euros e trofeo
PREMIO DO PÚBLICO // 400 euros e trofeo
PREMIO CREA MELLOR DIRECCIÓN // 200 euros e trofeo
PREMIO AGAG MELLOR GUIÓN // 200 euros e trofeo
MELLOR ACTRIZ // trofeo
MELLOR ACTOR // trofeo
As webseries producidas en Galicia poderán optar a ambos os premios (Mellor Webserie e Mellor Webserie VO Galego) segundo o criterio da organización do festival. En todo caso só poderán optar ao premio á MELLOR WEBSERIE VO GALEGO aqueles traballos cuxa versión orixinal sexa en lingua galega.
As webseries producidas fóra de España só poderán optar ao premio de MELLOR WEBSERIE INTERNACIONAL.
O premio á mellor dirección está patrocinado pola Asociación Directores e Realizadores de Galicia (CREA).
O premio a mellor guión está patrocinado pola Asociación Galega de Guionistas (AGAG).
SELECCIÓN
En caso de resultar seleccionada a organización contactará cos creadores/ás da webserie para solicitar o envío de dous capítulos en boa resolución a través de wetransfer, unha captura dun minuto e outros materiais promocionais (fotogramas, cartel…).
Os traballos que entren a concurso deberán de estar subtitulados ao galego ou ao castelán en caso de non ser a VO en calquera destes dous idiomas.
Descarga as bases completas aquí.